• strict warning: Declaration of views_attach_plugin_display_node_content::options_submit() should be compatible with views_plugin_display::options_submit(&$form, &$form_state) in /var/www/vhosts/baleiro.org/httpdocs/sites/all/modules/views_attach/views_attach_plugin_display_node_content.inc on line 0.
  • strict warning: Declaration of views_handler_filter_node_status::operator_form() should be compatible with views_handler_filter::operator_form(&$form, &$form_state) in /var/www/vhosts/baleiro.org/httpdocs/sites/all/modules/views/modules/node/views_handler_filter_node_status.inc on line 0.
  • strict warning: Declaration of views_bonus_plugin_style_panels_twocol::options() should be compatible with views_object::options() in /var/www/vhosts/baleiro.org/httpdocs/sites/all/modules/views_bonus/panels/views_bonus_plugin_style_panels_twocol.inc on line 0.
  • strict warning: Declaration of views_plugin_style_default::options() should be compatible with views_object::options() in /var/www/vhosts/baleiro.org/httpdocs/sites/all/modules/views/plugins/views_plugin_style_default.inc on line 0.

Como medir un planeta

A tecnoloxía empregada por unha sociedade reflicte o xeito en que esta observa, interpreta e intervén o medio ambiente. Por este motivo, un amplo repertorio de medidas tradicionais perdurou en Galicia fronte á progresiva implantación do sistema métrico decimal desde os anos da Ilustración. Mais o proceso de adaptación non foi inocuo: a conversión técnica levou aparellada a substitución dos vellos métodos fragmentarios e locais por un novo ideario científico, global, baseado nos principios de igualdade e xustiza das revolucións liberais. Estes esforzos, aplicados principalmente nos ámbitos educativo e industrial, influíron decisivamente nas connotacións que termos como “progreso”, “desenvolvemento” ou “benestar” adquiren cando son aplicados ao país.

O convite que recebemos por parte do equipo do FAC Peregrina para desenvolver un proxecto curatorial que atendera ao contexto rural onde se atopa este espazo resultounos especialmente atractivo. Mais non debemos esquecer que ao traballar desde esta premisa, o medio non pode ser comprendido soamente como algo físico (ou obxectivo) nin soamente mental (ou subxectivo), senón como traxectoria. Esta exposición quere poñer en práctica a capacidade da arte para transitar entre estes dous polos, pois estamos seguros de que no fondo, o que verdadeiramente importa cando un se move é saber orientarse mais que coñecer a distancia que queda por percorrer. Imaxinarnos, por un momento, herdeiros de Ptolomeo, quen se propuxo realizar un mapa do mundo e os seus cálculos evidenciaron que o finalmente debullado, de Cabo Verde á China, correspondíase con un cuarto da superficie total do planeta: el foi consciente de que o seu mapa tan só reflectía a ecúmene, o conxunto de mundo coñecido por unha cultura determinada. Se a cultura métrica define a nosa percepción do planeta no que vivimos, que outras rexións da terra e do ceo estarán aínda por descubrir?

495

Imaxes de "Como medir un planeta"

Fotografías de Diego Vites e Víctor E. Pérez

Inauguración na Peregrina

O espazo FAC Peregrina inaugura o vindeiro venres 29 de xuño ás 20:00h a exposición colectiva titulada Como medir un planeta. O proxecto está comisariado por Baleiro. Trátase da terceira e última mostra da tempada na modalidade FAC Convidados, denominación baixo a que este novo espazo independente na contorna de Santiago de Compostela promove proxectos de colaboración con outros artistas e axentes involucrados no ámbito da creación contemporánea.

Mesa redonda

O vindeiro venres 20 de xullo ás 19:00h., no marco da exposición Como medir un planeta, FAC Peregrina celebra unha mesa redonda que contará coa presencia de dous convidados destacados: a artista Carme Nogueira e o arquitecto Pablo Gallego Picard. O debate, no que tamén participarán os artistas e os curadores da mostra, realizará diversas achegas á problemática do territorio no contexto da globalización, ben desde a arte e o urbanismo, ben desde a tecnoloxía ou a economía.